Gure politikaren barruan gure enpresaren egitekoa, ikuspegia eta balio korporatiboak daude. Oinarrian, ziurtatu behar dugu ondo beteko ditugula ordenamendu juridikoa eta jarduera-arlo bakoitzeko praktika onak, eta era berean, gizarte eta ingurumen arloko legeria ondo betetzen duten enpresa laguntzaile, kontratista edo hornitzaileak aukeratuko ditugula.

Halaber, kudeaketa sistema etikoaren jarraipena egiteko mekanismoak ezarri ditugu, autokontrolean eta ardurak eman eta kudeaketa gainbegiratzeko prozeduren erabileran oinarrituta. Gure ekintzei sostengua emateko, Hizkuntza Kudeaketaren Kalitate Sistema bermatzen duen BIKAIN ziurtagiria daukagu,

baita Kudeaketa Etiko eta Arduratsuaren SGE21 ziurtagiria ere.

Era berean, gure langileen prestakuntza, sentsibilizazio eta motibaziorako neurriak ezarri dira, Garbialdik giza baliabideen kudeaketa etikoarekiko daukan konpromisoa berresteko. Honetan oinarritzen da: laneko eta arriskuen prebentziorako araudia betetzea; langileen hautaketan eta tratamenduan berdintasuna bermatzea, sexu, talde etniko edo beste edozein ezaugarri sozialen araberako bereizketarik gabe; lana eta familia-bizitza bateragarri egiteko neurriak hartzea, horri dagozkion beharrak aintzat hartuz eta konpromisoak betez.